Frost & Funi stendur við bakka Varmár og er áin helsta kennileiti hótelsins, enda er útsýni yfir hana úr flestum herbergjum og af veitingastað og baðsvæði hótelsins. Það er ekki bara fegurð Varmár sem gerir hana einstaka heldur er hún ein af fáum ám á Íslandi sem hægt er að baða sig í (án þess að frjósa úr kulda)! Heitt vatn úr hverum og laugum rennur í ána þannig að hitastig hennar er yfirleitt um 18°C á sumrin.